Әниләр көне уңаеннан игълан ителгән районкүләм "Все краски жизни для тебя" конкурсында безнең бакча балалары да актив катнашты. Бакча турында җиңү яулаган эшләр район турына җибәрелде.

Бүген бакчабызда гөрләп "Әниләр көне" нә багышланган бәйрәм иртәсе үтте. Барлык әниләрне бу көн белән тәбрик итәбез!

Бүген Актанышның 1 нче санлы мәктәбе базасында аттестация үтүче тәрбиячеләребез Әгъләмова Р., Әгъләмова Ф., Максутова Л. тестирование үтәләр. Аларга уңышлар телибез.

Бүген бакчабызда тәрбиячеләр Максутова Ләйсән һәм Әгъләмова Филиза җитәкчелегендә уртанчы-икенче кечкенәләр төркеме балалары "Сөмбелә кунакта" дип аталган бәйрәм иртәсе үткәрделәр. Җырладылар, биеделәр, уеннар уйнадылар. Сөмбеләнең кунакка килүе бәйрәм иртәсен тагын да җанландырып җибәрде.

Балалар бакчасы хезмәткәрләре  гражданнар оборонасы укулары буенча үткән эвакуцияләнеп килүчеләрне каршы алу,  һәм урнаштыру эшләрендә катнаштылар.

Бүген "Яшьлек" милли-мәдәни үзәгендә балалар бакчалары тәрбиячеләре, мөдирләре, шәфкать туташларының санитар укуы булды.

Бүген укытучылар көне! Бәйрәмне коллективыбыз белән кафеда билгеләп үттек. Барлык балалар бакчасы хезмәткәрләрен профессиональбәйрәмнәре белән тәбрик итәбез. Эшләрендә уңышлар, сәламәтлек телибез.

Өлкәннәр коне уңаеннан балалар бакчасында балаларның әби-бабалары һәм коллективыбызның өлкәннәре катнашында бәйрәм иртәсе үткәрелде. Балалар аларга үзләренең матур җыр-биюләрен, шигырьләрен бүләк иттеләр. Өлкәннәребезгә күчтәнәч пакетлары тапшырылды.

21-28 сентябрь - "Юлда балалар куркынычсызлыгы" атналыгы. Атналык кысаларында балалар белән юл йөрү кагыйдәләрен өйрәнү һәм ныгыту буенча әңгәмәләр үткәрергә, юл йөрү темасына уеннар уйнау, эшчәнлекләр үткәрү, ата-аналарга инструктаж үткәрү һ.б. планлаштырылган. Шул уңайдан балалар урамдагы юл билгеләренең нәрсә аңлатканын өйрәнделәр.

Мәктәпкә әзерлек һәм зурлар төркемнәре балалары бүген көзге табигатькә экскурсиягә чыктылар.