28 сентябрь көнне район үзәгендә "Без сәламәт яшәү рәвеше яклы!" җиңел атлетика ярышы үтте.

Илебез буенча октябрь ае башында Өлкәннәр көне уздырыла. Төрле җирләрдә өлкәннәрне котлаулар, бүләкләүләр, искә алулар бара.    Өлкән кешеләр – безнең әти-әниләребез, әби-бабайларыбыз. Алар бик күп авырлыклар күргән, дөньяның ачысын-төчесен  татыган кешеләр. Аларны өлкән булган өчен генә түгел, ә әти-әниләребез, әби-бабайларыбыз булган өчен дә хөрмәт итәргә тиешбез.    Хәзерге вакыттагы  карт кешеләрнең ямьле, шатлыклы балачагы булмаган. Аны сугыш тартып алган, ачлык-ялангачлык, ә инде  сугыштан соң хәерчелек.   Гомерләре буе хезмәттә кайнаган, сугыш  һәм сугыштан соңгы авырлыкларны иңнәрендә күтәргән, колхоз нужасын беренче көннәреннән үк тәртәгә җигелеп тарткан әби-бабаларыбыз картлык көннәрендә зур игътибарга, хөрмәткә лаек. Безнең олыларга, дуслар, Хөрмәтем бик зур минем. Шундый кешеләр булганга Шатланам, туган җирем.

Сезне чын күңелебездән һөнәри бәйрәмегез - Тәрбиячеләр көне белән котлыйбыз! Тәрбияче хезмәте – авыр һәм фидакарь хезмәт. Ул даими рәвештә һөнәри яктан камилләшү, көч-энергия һәм бик зур сабырлык сорый. Тәрбиячегә беркайчан да җиңел булмады. Тормыш сезгә һәрвакыт югары таләпләр куйды. Бүген алар күп тапкыр артты. Без яңалыкка омтыла торган гасырда яшибез һәм бүген искечә эшли алмыйбыз: заман үзгәрә, яңа мәгариф стандартлары кертелә. Хөрмәтле тәрбиячеләр, һөнәри бурычыгызга тугъры калуыгыз һәм балаларга күрсәткән игътибарыгыз өчен рәхмәт. Хөрмәтле тәрбиячеләр! Көчегез төкәнмәвен, эшләү дәрте сүрелмәвен, балалар белән үзара аңлашу һәм һөнәрегезгә тугрылык телибез. Һәрвакытта һәм һәркайда уңышлар юлдаш булсын!

Тәрбияче кеше гыйлем иясе дә,

Әни кебек үзе мөлаем.

Зирәк сүзен кызганмаган

Бу дөньяда бар соң кем тагын?

Тәрбияче мәңге онытылмый

Хөрмәт-сөю һәрчак саклана.

Сабыйлары оясына очкан коштай

Вакыт табып сагынып кайталар.

Тәрбиячем, җанга якын кешем

Кыласыз сез бары изгелек.

Гамәл, киңәшегез үзегезгә

Бирсен иде бары игелек!

Без телибез сезгә олы бәхет,

Озын гомер, бетмәс шатлыклар.

Барыр юлларыгыз озын булсын,

Ашыкмасын килер картлыклар.

Йөрәкләрдән чыккан назлы сүзләр

Күңелләрдә булган саф хисләр,

Озын гомер, якты тыныч тормыш –

Безнең сезгә әйтер теләкләр.

Бүген 5-9 кл укучылары өчен математика фәне буенча олимпиада үткәрелде. Укучылар бөтенроссия олмипиадаларына катнашу буенча белемнәрен барлыйлар. 

5-6 класс укучыларына 120 минут, 7-8 класс -180, 9 класс - 240 минут вакыт бирелә.

6-9 класс укучылары Гомуми тарих һәм Россия тарихы буенча белемнәрен олимпиадада сынадылар. 

6-9 класс укучылар биология фәне буенча олимпиада биремнәрен үтиләр. Мәктәп этабында җиңүче район этабында катнашу хокукы ала. 

13 сентябрь көнне милли татар-башкорт көрәше буенча укучылар командасы 2 урынны яулады. Укучыларга һәм укытучы Садертдинов М.М. рәхмәт белдерәбез.

13 сентябрь конне милли татар-башкорт көрәше буенча сайлап алу турында 5 класс укучысы Хайбиев Айгиз 2 урынны яулады. Аңа киләчәктә дә уңышлар телибез.