Матурлыгы өчен бу көннәрнең

Кемнәр генә корбан булмаган!

Исемнәрен тарих безгә үзе

Саклап килә ерак еллардан!

5 май көнне 9 класс укучылары математика фәне буенча имтихан тапшырып карыйлар. 

Һәр елны апрель азагында әйләнә-тирәне чистарту-төзекләндерү буенча өмә үткәрү - күптәннән килә торган күркәм традиция. Кардан арчылган урам һәм тыкрыкларда, елга буйларында, юл кырыйларында байтак чүп-чар килеп чыга.  Май бәйрәмнәренә кадәр авылыбызны ялт иттереп чистартып куярга кирәк бит. 

Борын-борын заманда кешеләр ни өчен яз булганын белмәгәннәр. Алар язны җылы яктаан кара каргалар алып килә дип уйлаганнар. Шуның өчен карлар эреп, сулар ага башлагач, каргалар килү хөрмәтенә бәйрәм ясый торган булганнар. Аны «Карга боткасы» дип атаганнар.Бәйрәм көнне балалар өйдән-өйгә йөргәннәр,Карга боткасы бәйрәменә сый җыйганнар. Аннан соң балалар су буйларына, аланнарга

җыйналганнар. Аланда ботка пешергәннәр, җырлар җырлаганнар, төрле уеннар уйнаганнар, биеп күңел ачканнар, бергәләшеп ботка ашаганнар.Бәйрәм ахырындабалалар ботканы каргаларга калдырып киткәннәр.

-Рәхмәт, кошкайлар, безгә яз алып килдегез,-дигәннәр алар.

Каргалар балалар кайтып киткәч, «Кар! Кар! Әйбәт дуслар бар-бар!»-дип каркылдап рәхмәт әйткәннәр, тәмле ботка ашаганнар.

23-28 апрель көннәрендә Бердәм парламент дәресләре үтә. Әлеге чарада безнең мәктәп укучылары да катнашты.

Бүген мәктәп күләмендә туган тел һәм Габдулла Тукайга багышланган кичә үтте. Укучылар Тукайның шигырьләрен яттан сөйләделәр. 

Бүген 4 класс укучылары математика фәне буенча ВПР эшләүне дәвам иттеләр.  Укучыларга 45 минут вакыт эчендә 11 төрле бирем каралды. 

Бүген 5 кл укучылары янә бөтенрәсәй тикшерү эшләрен башкаралар. Укучылар тарих фәненнән ВПР эшлиләр.

Район баскетбол ярышында катнашып кызлар команасы 2 урын, малайлар командасы 3 урынны яулады. Тренерлары Садертдинов М.М. һәм укучыларны чын күңелдән котлыйбыз. 

Бүген Күҗәкә мәктәбендә баскетбол ярышының куст этабы уза. Яхшый,Әтәс, Зөбәер һәм безнең мәктәп укучылары уйныйлар.