Халкыбызның иң популяр, иң күңелле язгы бәйрәмнәренең берсе - һичшиксез, карга боткасыдыр. Борын-борын заманда кешеләр нилектән яз булганын белмәгәннәр. Алар ямьле язны җылы яктан кара каргалар алып килә икән, дип уйлаганнар. Шуның өчен карлар эреп сулар ага башлагач, гөрләвекләргә таба, яңаруга-яшәрүгә йөз боргач, каргалар килү хөрмәтенә бәйрәм ясый торган булганнар. Аны “Карга боткасы” дип атаганнар. Киров урта мәктәбендә мәдәният хезмәткәрләре белән берлектә  Карга боткасы бәйрәме үткәрелде. Бәйрәм төрле уеннар, җырлар белән үрелеп барылды.Тәмле ботка белән сыйландык. Бәйрәм бик күңелле үтте. Оештыручыларга бик зур рәхмәт.