Гимназиябезнең 3Б сыйныф укучылары «Яңарыш» республика фонды заказы буенча «Татармультфильм» анимация студиясе тарафыннан төшерелгән «Болгар легендалары» мультфильмын карады.
Проектның максаты – безгә үз тарихыбызны, республика, Россия тарихын белү. Әлбәттә, бу - мультфильм, әмма һәр легенда тарихи чыганакларга нигезләнгән.
Мультфильм балаларыбыз тарихны дөрес өйрәнсен, тарих белән кызыксынсын һәм аны белсен өчен бик тә мавыктыргыч, үз эчтәлегенә җәлеп итә торган итеп эшләнгән.
Мультфильм ясау өчен анимация студиясенә бер ел вакыт кирәк булган.
Оештыручылар Болгарга барып музейларда булганнар, тарихчылар белән киңәшләшкәннәр.
«Болгар риваятьләре» тулы метражлы анимацион фильмын караганнан соң, укучылар үзара җылы әңгәмә кордылар, үз тәэсирләре белән уртаклаштылар.
«Болгар риваятьләре» проекты үз эшен дәвам итә – яңа геройлар, яңа маҗаралар белән очрашырбыз әле киләчәктә дә!