12-14 декабрь көннәрендә “Росток” Үзәге белгечләре, 2011-2015 елларга мәгарифне үстерү максатчан федераль программасының 2013 елга билгеләнгән чараларны тормышка ашыру кысаларында, ТР Мәгариф һәм фән министрлыгының 2013 елның 27 ноябрендәге 4431/13нче боерыгын үтәү максаты белән республиканың Актаныш районында булачак. Алар биредә балалар арасында уңышлы социальләшүнең заманча ысуллары тәҗрибәсе белән уртаклашырга җыена. Башлангыч сыйныф укытучылары һәм психологлар белән балаларның тирәлеккә яраклаша алмавын кисәтүгә юнәлтелгән мультикомпонентлы программа буенча семинар-тренинг; ә сыйныф җитәкчеләре белән деструктив тәртипне булдырмау максатында семинарлар үткәрәчәк. Уку йортлары җитәкчеләренә укучыларны психологик-педагогик һәм медицина-социаль яктан тәэмин итү системасын уңышлы үстерү буенча психологик хезмәт күрсәтү ысуллары тәкъдим ителер, дип көтелә. 
Укулар гуманитар-гимназия базасында узачак.