Әлмәт татар дәүләт драма театры бүген "Адымнар-Актаныш" гимназиясе укучыларына "Кайда минем илем?» документаль спектаклен (режиссеры Ильяс Гәрәев) тәкъдим итте. «Идел-Урал» легионы вәкиле, якташыбыз Гарәф Фәхретдинов истәлекләре буенча сәхнәләштерелгән спектакль фашист әсирлегендә, соңрак легионда газап-михнәт кичкән, концлагерьдан җай чыгу белән үз ягына качу теләге белән янган, сугыштан соң совет лагерьларында җәфа чиккән ачы язмышлы каһарманнар турында..