Гимназиянең “Ак җилкән” балалар гәҗите редколлегиясе әгъзалары һәм “Ералаш-Аралаш” проекты активистлары,  Актаныш муниципаль районының мәгълүмат-мөхәррият үзәгендә экскурсиядә булып кайттылар. Укучылар зур кызыксыну белән “Актаныш таңнары” газетасының барлыкка килү этапларын күзәттеләр, радио һәм телевидениедә тапшырулар әзерләнеше белән таныштылар. Мәгълүмат, мөхәррият, радио-телевидение  тормышы белән ихластан кызыксынучы укучыларга  эчтәлекле экскурсия оештырганнары өчен, баш мөхәррир Илназ Наил улы Хөҗҗәтов җитәкчелегендәге Актаныш мәгълүмат-мөхәррият үзәге хезмәткәрләренә зур рәхмәтебезне белдерәбез һәм киләчәктә дә иҗади уңышлар теләп калабыз!