29 нчы сентябрьдә гимназия-интернатның 7- 9 класс укучылары Татарстан Республикасы Дәүләт Советы депутаты,  Дәүләт Советының социаль сәясәт комитеты әгъзасы Фәрит Фәиз улы Мифтахов белән очраштылар. Бу очрашуда татарларның гореф –гадәтләре, бәйрәмнәре турында җанлы әңгәмә үтте. Бүгенге көндә милли бәйрәмнәребез, йола, гореф-гадәтләребез яңадан торгызылып, яңартылып, заман төсмерләре биреп үткәрелә башлады. Аларны халык белә, хөрмәт итә икән милләт яши, милләт яшәгәч, тел яши, ягъни тормыш дәвам итә. Безнең максатыбыз туган телебезне, тарихыбызны, рухи байлыкларыбызны, гореф-гадәтләребезне өйрәнеп, буыннар арасында ныклы бәйләнеш булдыру, бөек милләт булып яшәвебезне дәвам итү.