Гимназиябезнең башлангыч сыйныф укучыларына бүген Манту пробасы ясалды. Район үзәк хастаханәсе педиатры Латыйпов Илдус Феликс улы, иң элек, балаларның сәламәтлек торышын тикшереп, сулыш алуларын тыңлады. Беренчел тикшерү үткәрелгәннән соң гына, шәфкать туташы Гильванова Ирина Валерьевна балаларга Манту пробасы ясады.
Манту пробасы-организмда туберкулез микобактериясенә антитәнчекләр булу-булмавына тест. Туберкулин вакцина түгел, ул бала организмында специфик антитәнчекләр барлыкка китерми. Россиядә халыкны туберкулезга массакүләм тикшерү өчен Манту пробасы 1965 елдан бирле кулланыла.

Гимназиябездә Космонавтика көненә багышланган күргәзмә эшли башлады. Рәхим итегез!

Гимназиябездә чистарту, төзекләндерү эшләде дәвам итә. Бүген газоннарны тырмаладык, чәчкәлекләрне ачтык.

Гимназиябезнең 10 сыйныф укучысы Камилла Мулланурова Шәриф Камал исемендәге әдәби премиягә дәгъва итү бәйгесенең финалисты булды һәм сертификат белән бүләкләнде.
Шәриф Камал исемендәге әдәби премия ― 2020 елдан Татарстан Республикасы Мәдәният министрлыгы, Татарстан Республикасы Милли музее һәм Татар китабы йорты гамәлгә куйган премия. Әлеге бүләккә тәкъдим ителүченең Язучылар берлеге әгъзасы булмавы һәм конкурска тәкъдим ителгән әсәрләрнең моңарчы беркайда да басылмаган булуы шарт.

Атналык дүшәмбе линейкасы бүген дә дәүләт флагларын кертүдән башланды. Гимназиябезнең “Ялкын” балалар оешмасы президенты – 10 сыйныф укучысы Айнур Гилаев, гадәттәгечә, линейканы гимназиянең сөрәне белән башлап җибәрде.
Директорның тәрбия эшләре буенча урынбасары Ленар Зөфәк улы Шәвәлиев, атна дәвамында эшләнәсе эшләргә, чараларга тукталды.
Бу атнада гимназиябездә инглиз теле атналыгы. “Иң матур сыерчык оясы” конкурсы башланды. 1-8 сыйныфлар театр конкурсына әзерләнә. Яшь язучыларыбыз “Илһам” бөтенроссия яшь язучылар бәйгесендә катнаша.

Бүген – 3 апрель көнне, гимназиябездә "Разговоры о важном – Мөһим темага сөйләшү" сыйныф дәресләре "Җир көне"нә, әйләнә-тирә мохитне саклауга багышланды. Әлеге фотода 8Б сыйныфы укучылары класс җитәкчесе Зөлфия Мазгаровна Хафизова белән дәрес вакытында.

Гимназиябездә III чирек йомгаклары буенча педагогик киңәшмә узды.
Киңәшмәдә гимназиябез директоры Венера Хәмәтнәсыйх кызы Хәева-Хәмитҗанова укыту һәм тәрбия эшчәнлегенә анализ ясап, олимпиада хәрәкәтендә, сәнгать, спорт өлкәсендә нәтиҗәле эшләүче укучы һәм укытучыларга рәхмәт белдерде. Алда торган бурычларга, федераль дәүләт мәгариф стандартларына кертелүче үзгәрешләргә, яңа уку елы өчен кирәкле дәреслекләргә тукталды. Белем бирү барышында сферум, онлайн платформаларда укучылар белән актив һәм индивидуаль эшләргә, яңа алымнарны кулланганда грантларда актив катнашырга чакырды.
"Мәскәү электрон мәктәбе" платформасына күчүдә барлык әзерлек эшләрен гимназиябез республикада беренче булып тәмамлады. Ата-аналар өчен вебинар 5 апрель көнне 19.00 сәгатьтә узачак.
Киңәшмәдә директорның укыту эшләре буенча урынбасары Римма Гранит кызы Баһаветдинова – өлгереш сыйфаты, методик-инновацион эшчәнлек буенча урынбасар Юлия Валентиновна Әмирҗанова – олимпиада нәтиҗәләре, тәрбия эшләре буенча урынбасар Ленар Зөфәк улы Шәвәлиев тәрбия юнәлешендә алып барылган эшчәнлек буенча чыгыш ясады.

Гимназиябезнең Әтиләр советы җитәкчесе Булат Шәйхразыев Пучыда узучы район семинарында катнаша.

Яз кояшы турырак һәм җылырак карый башлау белән, гимназиябездә язгы санитар-чистарту эшләре башланды. Бүген дә бердәм рәвештә беренче язгы өмәдә катнаштык. Тирә-якны кардан арындырып, каралып яткан кар-боз өемнәрен тараттык. Кар астыннан чыккан чүп-чарны да җыйдык. Биналарның тирә-ягын һәм билгеләнгән участокларны чистарттык, үз территориябездә тәртип булдыруга өлеш керттек.
Күмәк эш – беткән эш, диләр. Бергәләп башкарган хезмәтнең нәтиҗәсе дә күзгә күренерлек матур булды. Җыештырганнан соң, тирә-юнебез тагын да күркәмләнеп, ямьләнеп калды. Әлбәттә, көннәр ныклап җылытуга, өмәләр тагын дәвам итәчәк әле.

Гимназиябезнең яшь геологлары - 8-10 сыйныф укучылары Яшь геологларның Бөтенроссия ачык кыр олимпиадасына әзерләнә.Әлмәт шәһәреннән килгән геолог Рөстәм Сөләйманов бүген  аларга мастер-класс үткәрде.