Мәктәптә Яңа елга әзерлек эшләре башланды. Шул уңайдан мәктәп күләмендә матур итеп бизәләгән класс бүлмәсе, рәсем, кул эшләре һәм башка конкурсларга старт бирелде. Укучылар кызыксынып, әлеге конкурсларга әзерлек эшләрен башлап җибәрделәр. Аларга уңышлар телибез!

11 нче декабрь көнне мәктәптән 3 укучы: Исламова А., Хөснимәрдәнова А., Әхмәтова А. тантаналы рәвештә кулларына паспорт алдылар. Аларны Рәсәй Федерациясе гражданиннары булулары белән котлыйбыз!

<span pt="" sans',="" sans-serif;="" font-size:="" 13px;="" line-height:="" 16px;"=""> 10 нчы декабрь көннеАккүз төп гомуми белем бирү мәктәбендә “Россиядә код сәгате” акциясе уздырылды.Шул уңайдан шул көнне тематик дәресләр уздырылды. Укучыларга информацион технологияләр, информатика фәнен өйрәнү һәм программалаштыруны ни өчен белергә кирәклеген видеоматериалларга нигезләнеп аңлатты. Дәрес ахырында һәр укучыга да бу акциядә катнашу максат итеп куелды. Укучыларыбыз акциядә актив катнашырлар дип ышанып калабыз!

Мәктәптә  "Геройлар көне" -истәлекле датага багышланган сыйныф сәгатьләре үткәрелде. Мондый бәйрәм өчен 9 декабрь очраклы гына сайланмаган. Екатерина II нәкъ менә бу көнне 1769 елда яңа бүләкне раслый. Ул Изге Георгий ордены була. Аның белән аерым батырлык күрсәткән сугышчылар бүләкләнгән. Илебездә бу көнне Георгий ордены кавалерларын хөрмәтлиләр. Россиядә бу көнне чын батырларны искә алып, алар турында хәтер яңарталар. 

8 декабрь көнне Актаныш үзәк балалар табиблары һәм авыл фельдшеры Анамова Л.Х. җитәкчелегендә барлык класс укучылары да  медицина тикшерелүе  уздылар.

Бүген мәктәптә  өйдә тәрбияләнүче  1 класс укучысы Харисова Гүзәл белән очрашу булды. Бу очрашу "Мәрхәмәтлелек елмаюдан башлана"дигән презентация белән башланды,соңыннан укучылар Гүзәлгә үзләренең концерт номерларын күрсәттеләр  һәм истәлекле бүләкләрен тапшырдылар.

Инвалидлар декадасына кысаларында мәктәп укучылары авылыбызның ярдәмгә мохтаҗ булган инвалидларына  ярдәм иттеләр.

5 декабрь көнне «Туган телем шагыйрьләр теле» III Республика фәнни-эзләнү конференциясенең йомгаклау туры үтәчәк. Катнашучылар исемлегендә Аккүз төп гомуми белем бирү  мәктәбенең 8 класс укучысы Хөснимәрдәнова Айзирә (җитәкчесе Ахметова З.Н.) 9 класс укучысы  Хисамова Ралина да бар  (җитәкчесе Исламова Д.Й.)

<span pt="" sans',="" sans-serif;="" font-size:="" 14px;="" line-height:="" 18px;"="">Бүген, ягъни 4 нче декабрь көнне безнең мәктәптә һәр класста "Мин тормышны яратам" дигән темага класс сәгатьләре үткәрелде. Класс сәгатенә авыл җирлегеннән мөмкинлекләре чикләнгән абый-апаларыбыз кунак булып килделәр.

<span pt="" sans',="" sans-serif;="" font-size:="" 14px;="" line-height:="" 18px;"="">Бүген, ягъни 3 нче декабрь көнне мәктәптә "Мәрхәмәтлелек елмаюдан башлана" дип исемләнгән  инвалидлар белән очрашу үткәрелде. Кунак итеп мәктәптә күп еллар хезмәт куйган апалар,авылыбыз мулласы Даниф абый,аылның инвалидлар оешмасы рәисе Надил абый чакырылган иде. Аларга укучылар көче белән әзерләнгән концерт белән беррәттән истәлек бүләкләре тапшырылды. Очрашу чәй өстәле артында тәмамланды.