<span pt="" sans',="" sans-serif;="" font-size:="" 13px;="" line-height:="" 16px;"="">8, 9 нчы гыйнвар көннәрендә 9 нчы класс укучылары математика һәм рус теле фәннәреннән сынап карау ТДИ (ОГЭ) тапшыралар. Аларга уңышлар теләп калабыз!

7 нче гыйнвар көнне район мәдәният йортында Актаныш муниципаль районы хакимият башлыгы Чыршы бәйрәме үткәрелде. Анда безнең мәктәптән 8 класс укучысы Сәфетдинов И.И. һәм 5 класс укучысы Гилванов А.Д. катнашып, Хакимият башлыгының Рәхмәт хаты һәм яңа ел пакеты белән бүләкләнделәр.

<span pt="" sans',="" sans-serif;="" font-size:="" 14px;="" line-height:="" 18px;"="">Кыш бабай призына район күләмендә үткәрелгән милли көрәш бәйгесендә безнең мәктәптән 8 нче класс укучысы Сәфетдинов Илназ 1998 нче елгы һәм аннан да яшьрәк катнашучылар арасында 1 нче урын, 6 класс укучысы Тибакин Данил IIIурын яулады. Аларны әлеге җиңүләре белән ихлас күңелдән котлыйбыз һәм киләчәктә дә уңышлар теләп калабыз!

Бүген, ягъни 28 нче декабрь көнне мәктәптә "Укыту һәм тәрбия процессында сәламәтлекне саклау технологияләре" темасына педсовет үтте. Көн тәртибе буенча һәр класс җитәкчесе һәм физкультура укытучысы тәрбия буенча эшләнгән эшләргә һәм кышкы сессия вакытында ГТО нормаларын тапшыру буенча тулы анализ бирделәр. 

Бүген районның үзәк балалар китапханәсендә Яңа ел бәйрәме үткәрелде. Бу чара "Яңа ел уенчыгы "конкурсында катнашкан балалар өчен оештырылган иде. Аккүз мәктәбеннән бу конкурска 8 укучы катнашты һәм бәйрәмгә чакырылды. Балаларга "Рәхмәт хаты"  , истәлекле бүләкләр тапшырылды.

Бүген мәктәптә сәламәт яшәү рәвешен пропагандалау максатыннан,авылыбыз фельдшеры Анамова Л.Х.белән очрашу булды. Ләйсән апа укучыларга хәзерге заман чирләре һәм аларны булдырмау турында аңлатты. Укучылар үзләрен кызыксындырган сорауларын бирделәр.

Бүген башлангыч класс укучылары янына  "Кояшкай" балалар бакчасына йөрүче балалар кунакка килде. Укучылар белән бергә нәниләр төрле кызыклы биремнәр үтәделәр,укучылар өчен кагыйдәләр белән таныштылар, шигырьләр сөйләделәр. Очрашу күңелле булды.