Җәйге эшләргә йомгак ясап ,мәктәбебездә Уңыш бәйрәме уздырылды. 5,6 сыйныф укучылары көз турында матур шигырьләр сөйләделәр, моңлы  җырлар җырладылар.Бәйрәмгә кунаклар Кызыл Калфак, бүре, Хуҗа Насретдин да килгән иде.   Кызыклы тапышмаклар әйтеп,  Хуҗа Насртдин укучыларның тапкырлыкларын сынады.  Кызыл Калфак белән бүре дә бүләксез килмәгәннәр иде. Укучылар өчен төрле уеннар уйнаттылар.

Яшелчәләрдән, җиләк-җимешләрдән ясалган күргәзмәдә укучылар бик теләп катнаштылар. "Алтын көз хәзинәсе" күргәзмәсендә бик үзенчәлекле, фантазияле композицияләр бар иде. Башлангыч сыйныф укучылары беренчелекне алдылар. 5-7 сыйныф укучылары арасында I урын 7 сыйныф укучыларына бирелде. "Иң эре бәрәңге үстерүче"  Насибуллин Муса, "Иң үзенчәлекле бәрәңге" хуҗасы Кыямов Руфил."Кабаклардан кызыклы композиция" иясе Камалетдинов Динар һ.б. бүләкләр алдылар.  

Бәйрәм бик кызыклы һәм мавыктыргыч итеп уздырылды.  

3нче октябрь көнне мәктәптә Үзидарә көне уздырылды. 11 сыйныф укучылары бөтен җаваплылыкны үз өсләренә алдылар. Иң авыры директор Гафиятуллина Елизавета җилкәсенә төште.  "Укытучылар"да укытучы һөнәренең ни дәрәҗәдә кызыклы ,шул ук вакытта кыен икәнлеген аңладылар. 

1 октябрь көнне  мәктәбебездә  ихтирамга, хөрмәткә лаек кешеләребез -Өлкәннәр кунакта булды. Әлеге бәйрәм кайчан барлыкка килгән соң? Бераз тарихка күз салыйк.1990 нчы елның 14 октябрендә 1 октябрь өлкәннәр көне итеп игълан ителә. Бу бәйрәм 20 нче гасырда барлыкка килә. Иң беренче Европада,аннан Америкада, ә инде 1980 нче елның ахырында бөтен дөньяда бәйрәм итә башлыйлар.

Өлкәннәр хөрмәтенә "Акчарлак" балалар бакчасы, 7 сыйныф укучылары тарафыннан бик тә кызыклы һәм эчтәлекле бәйрәм кичәсе күрсәтелде. Бәйрәм котлаулары, җылы сүзләр чәй табыны артында дәвам итте. 

2-октябрь Укытучылар көне Түбән Татар Майна урта гомуми белем бирү мәктәбендә билгеләнеп үтте.Хөрмәтле хезмәттәшләребез!Сезне бәйрәм белән котлыйбыз!Сезгә сәламәтлек,иҗат һәм һөнәр уңышлары,авыр һәм җаваплы эшегездә сабырлык телибез. 

Учащиеся школы приняли активное участие в Кроссе наций.

15 сентябрь -Варисларның туган көненә багышланган сбор уздырылды. 5-6 сыйныф укучылары арасында "Син беләсеңме?" дип аталган КВНга варислар ныклап әзерләнгәннәр . Алар варисларның программаларын өйрәнеп, күп сорауларга җавап бирделәр ,  тапкырлыкта, зирәклектә дә сыналдылар. "Бөркет" (6 сыйныф) отряды җиңү яулады.  

Юлда хәвефсез йөрү айлыгы кысаларында мәктәптә төрле чаралар уздырыла. Башлангыч сыйныф укытучысы Хәметвәлиева Т.М.. укучыларга юлда үзеңне хәвефсез тоту кагыйдәләре турында сөйләде. Җәяүлеләр өчен юл билгеләре белән таныштырды. 

          30 август көнне Казанда "Татмедиа"ААҖ бинасында "Казан утлары"журналы тарафыннан үткәрелгән I Бөтенроссия әдәби әсәрләр конкурсының йомгаклау тантанасы узды.Тантанада 11 сыйныф укучысы Могыйнов Илфат,10 сыйныф укучысы Әбрарова Алияләр "Шигърият" номинациясендә I һәм II урыннарны яулап,акчалата премияләр белән бүләкләнде.җитәкчеләре татар теле һәм әдәбияты укытучысы Камаова Зөлфирә Сәлихҗан кызы.                                  Киләчәктә дә уңышлар телибез.

Фельдшер Мухтарова Рузилә Рөстәм кызы 6нчы сыйныф укучылары алдында   "Дөрес туклану" темасына чыгыш ясады.