Безнең һәр көнебез кызыклы үтә.Күңелсезләнеп торыр өчен безнең вакытта теләктә юк."Йолдызда" бары уңган, тырыш,сәләтле балалар ял итә.

Хәтер көне уңаеннан "Йолдыз"да төрле чаралар үтте.Иртәнге тезелү бер минут тынлык белән башланды.Ватан өчен вафат булганнарның батырлыгы мәңгелек.Һәйкәл янын чистарттык.Көннең икенче яртысын  сугыш турында кызыклы фильм карап үткәрдек.

Бүген балалар туган як табигате белән танышып кайтты. Лагерь тормышы бик күңелле үтә.Хезмәт һәм ял чиратлашып барганда көннең дә үткәне сизелми икән.

Бүген "Йолдыз"га МЧС хезмәткәре Абдуллин Әлфис абый килде.Ул балаларга янгын куркынычсызлыгы кагыйдәләре турында сөйләде.Көннәрнең бик эссе торуын исәпкә алып ,су буенда ялгыз гына төшмәскә һәм суга кермәскә кушты.

Бакчада беренче уңыш җыеп алынды.Бакча җиләге быел мул уңыш бирер дип көтелә.Легерь да ял итүче балалар җиләкне бик теләп җыялар.Технология укытучысы Мөхәммәтшин Ә. тырышып эшләүнең яхшы нәтиҗә бирүенә ышана.

Без бүген зур эшләр белән тагын бер көнне үткәрдек. Иртә Бөек Ватан сугышында вафат булган авылдашларны искә алу белән башланды.План нигезендә бакчада эшләү,күңелле уеннар көннең бик тиз үтүенә сәбәп булды. 

                             Хәтерләүдән курыкма син!

 Үткәннәрне онытма син!

 Исеңдә тот, аларның син

 Сугышларда кан түккәнен,

 Туган җирнең иреге өчен

 Зинданнарда интеккәнен...

Без бүген Зәй районы турында сөйләштек. Кече Ватан белән горурлану хисе тәрбияләдек. Чәчәклекләрне тәртипләдек.Көнебез кызыклы һәм файдалы үтте.

Бүген балалар янгын куркынычсызлыгы кагыйдәләрен искә төшерде.Авылда урнашкан янгын сүндерү һәм хәбәр бирү урыннарын карап кайттылар.Янгын сүндерүче Юдин А. белән очраштылар.Көннең икенче өлешен милли бәйрәм -Сабантуй уйнап үткәрдек. Мәктәп яны бакчасында су сибү һәм себерү кебек эшләр эшләдек.

Бездә кунакта "Космос" яшьләр үзәге. Алдан килешенү буенча 10.06 план төзелде.Балалар өчен күңелле стартлар уйнатылды. Уеннан соң "Зверополис" исемле мультфильм күрсәтелде.Әлеге чара балаларга бик ошады. Кунакларга бик зур РӘХМӘТ!

Күңелле зоопарк кебек безнең лагерь буген. Балалар төрле җанварлар булып киенде. Әлеге уеннан беркемдә читтә калмады. Үзлектән номерлар әзерләп чыгыш ясадылар.