Мәктәбебез алдында тиздән кардан ясалган фигуралар, Кыш бабай, Кар кызы һәм әкият геройлары пәйда булыр. Моның өчен укучылар, класс җитәкчеләре бик зур тырышлык куялар.

Укучылар Яңа ел бәйрәменә бик теләп әзерләнә башладылар. Кар шәһәрчегендә төрле фигуралар өелә, стенгазеталар ясала башлады.

С 4 по 10 декабря проходят тематические уроки "Час кода"

Мәктәбебездә укытучылар, техник хезмәткәрләр, авыл җирлеге, мәдәният  хезмәткәрләре, китапханәчеләр ГТО тапшырдылар. Чара бик җанлы һәм тиешле дәрәҗәдә узды. Катнашучылар сәламәт яшәү рәвеше алып баруның никадәр әһәмиятле икәненә тагын бер кат инандылар. Алга таба да ГТО нәтиҗәләрен яхшырту өстендә эшләргә!

Кышын катокта рәхәтләнеп хоккей уйнар өчен, шуар өен, аны тиешле дәрәҗәгә җиткереп әзерләргә кирәк. Укучылар тәнәфесләрдә бу эшне бергәләп башкаралар. Саф һавада рәхәт, күңелле. Сәламәтлек - яшәү чыганагы икәнен онытмыйк!

11 класс укучылары рус теленнән сочинение (Итоговое сочинение) яздылар. Нәтиҗәләрне генә көтәсе кала!

Билгесез солдатны искә алу көнне  укучылар һәйкәл алдына чәчәкләр куйдылар. Тарих укытучысы Семенова Р.Н., Бөек Ватан сугышы вакыйгаларын яңартып, укучыларга әлеге тема буенча чыгыш ясады.

Бүген мәктәбебездә гаять күңелле һәм матур бәйрәм булып узды. Укучыларыбызны РДШ төркеменә кабул иттеләр. Киләчәктә илебезнең сәламәт, белемле, ышанычлы егет-кызлары булып үссеннәр!

Бүген мәктәбебездә юл йөрү кагыйдәләре буенча чара узды. 3 класс укучылары әлеге темага шигырьләр сөйләделәр, җырлар башкардылар. Кабинетларда ПДД почмаклары тикшерелде, коридорда китапларан торган күргәзмә оештырылды.

Бүген укучылар белән отставкадагы подполковник Зеленин Владимир Тарасович очрашу үткәрде. Чара барышында ул коррупция, терроризм,  юл йөрү кагыйдәләре, тәртип бозу, экстремизм  турында сөйләде. Административ җаваплылыкка 16 яшьтән, авыр җинаять өчен 14 яшьтән тартылу турында әйтеп узды.