Ел да 15 майда – табигатьнең иң гүзәл,  алмагачлар  чәчәккә төренгән вакытында Халыкара гаилә көнен билгеләп үтәбез.Үз йортында бәхетле булган гына бәхетле. Кеше яшәешенең асылын шушы гап-гади сүзләр ача да сала. Гаилә бәйрәме дә бәхетле булуның һәм үзара аңлашып яшәүнең кыйммәтен тагын бер мәртәбә искәртү өчен тәгаенләнә. Гимназиядә укучы балалар арасында матур , үрнәк гаиләдә тәрбияләнүчеләр бик күп. Аларның күбесе тормыш юлыннан гомер буе матур итеп атлаучылар, пар канатлы, бер-берсеннән башка яши алмаучы, бер-берсенә кайгыртып, яратып эндәшүче  матур гаиләләр.  Бу көнне сыйныфларда шушы көнгә багышлап сыйныф сәгатьләре үтте. Матур гаиләләр билгеләп үтелде.Һәр гаиләгә бәхет һәм иминлек теләделәр.

Бөек Ватан сугышында немец илбасарларын Җиңүнең 72 еллыгы  Зәй шәһәрендә һәрвакыттагыча гасырларда да шавы югалмас илаһи бер тантана, дулкынландыргыч бәйрәм, кадерле очрашулар төсендә ихлас һәм җылы үтте. Һәркемнең игътибары күкрәк тулы орден-медальләрен тагып килгән олпат сугыш һәм тыл ветераннары, Әфган сугышы, Чернобыль фаҗигасен бетерүдә, кайнар нокталарда хезмәт иткән райондашларыбызда. Гимназия коллективы да бу бәйрәмнән читтә калмады. “Үлесез полк” акциясендә катнашучылар  урамнар буйлап атлап, уку йортлары коллективларының “тере”коридорлар буйлап  бардылар. Шулай ук театраль композиция башкарылды, “сугышка чаклы чорлар, чыгарылыш кичәсе, кинәт кенә бомбалар шартлавы, пулялар сызгыруы ишетелә башлады,Левитан тавышы яңгырады, Священная война җыры җырланды. Изге яуда һәлак булганнарның якты рухы бер минут тынлык белән искә алынды,Билгесез солдат  һәйкәленә чәчәк бәйләмнәре куелды.    

Бөек Җиңүгә 72 ел дип

Шатлык белән тибә йөрәкләр.

Тормышыгыз матур, күңелегез тыныч

Гомерегез озын булсын

Безнең сезгә шундый теләкләр.

Хөрмәтле ветераннар, тыл батырлары, сугыш чоры балалары, бүгенге көн яшьләре һәм балалары!  Сезне Жиңү көне белән котлыйбыз! Күкләребез аяз, дөньяларыбыз имин, көннәребез тыныч булсын!