26 апрельдә бөек татар шагыйре Габдулла Тукайның тууына 140 ел тула! 21 нче «Незабудка» балалар бакчасында юбилей уңаеннан татар милли китапханәсе хезмәткәрләре белән очрашу узды. Балалар өчен «Тукай дөньясына сәяхәт» әдәби сәгате үткәрелде, анда балалар шагыйрьнең тормышы һәм иҗаты, әкиятләре һәм геройлары белән таныштылар. Балалар әкиятләр тыңладылар, бәйгеләрдә катнаштылар, Тукайның яраткан шигырьләрен уйнадылар һәм сөйләделәр, ә «Тукай — балаларга» күргәзмәсендә барысы да кызыксынып китаплар карадылар. Мондый очрашулар кечкенәдән үк туган телгә, әдәбиятка һәм мәдәни мираска мәхәббәт тәрбияләргә ярдәм итә!