21 нче апрельдә Казан шәһәрендә «Сәйяр» республика балалар-яшүсмерләр театрлары фестиваленең зона этабы узды. Зона этабында Яшел Үзән районыннан муниципаль этапта җиңүче театр коллективлары катнашты: - 5 нче татар гимназиясенең 1 – 4 сыйныфлары театр коллективы Г. Тукай әкиятләре сюжеты нигезендә «Авырлык төш, түз, сер бирмә» спектакле белән; - 5 нче татар гимназиясенең 5 – 8 сыйныфлары театр коллективы «Малай һәм кояш» спектакле белән; - 16 нчы татар мәктәбенең 9-11 сыйныфлар театр коллективы «Колшәриф» спектакле белән. Зона этабы нәтиҗәләрен көтәбез, республика этабында уңышлар телибез. Спектакльләрне әзерләгән барлык оештыручыларга рәхмәт белдерәбез!