8 нче февраль көнне безнең мәктәптә 1 сыйныф укучыларының гомерендә бер тапкыр гына була торган матур бәйрәм үтте, "Әлифба" бәйрәме. Нәни дусларыбыз бик матур җырладылар, берсеннән берсе матур шигырь сөйләделәр, Абдулла Алиш әкиятен сәхнәләштерделәр. Бәйрәмне үткәрүче: Халилова Ландыш Касыйм кызы һәм Гисматуллина Гүзәлия Наил кызы. Җир йөзендә кем генә булмасын, кайда гына эшләмәсен, ул зур дулкынлану белән үзенең нәни кулларына тәүге тапкыр Әлифба китабын алганын искә төшерә.Чөнки һәркемнең дә белем дөньясына беренче адымы Әлифбадан башлана.

2019 нчы елның 8 нче февралендә 16 нчы мәктәп хезмәткәрләре өчен мәктәп директоры Р.Р.Сәйфетдинов чираттагы пожар куркынычсызлыгы тәэмин итүгә багышланган иструктаж уздырды.

2019 елның 7 нче февралендә безнең Клубыбызда "XXI гасыр шәхесе" дигән интерактив очрашу узды. Катнашучылар арасында шәһәребезнең 9 нчы лицей, 15 нче мәктәп, 16 нчы мәктәп укучылары булды. Спикерларыбыз -"Сәләт" яшьләр үзәге директор урынбасары Игорь абый Смирнов һәм Татарстан Республикасы Балалар оешмалары советы рәисе, Клуб рәисенең киңәшчесе Т. Шәйхетдинов Очрашу дәвамында спикерлар узләренең чыгышларын тәкъдим иттеләр.

Пожарная безопасность глазами детей.

2019 елда татар әдәбияты классигы, атаклы драматург, публицист һәм күренекле җәмәгать эшлеклесе Галиәсгар Камалның (Гәлиәсгар Галиәкбәр улы Камалетдинов) тууына 140 ел тулды. Шул уңайдан Фаил Шәфигуллин исемендәге милли китапханәгә безне кичәгә чакырдылар. Китапханәче Фәния Габделбаровна һәм Венера Гумеровна 9 нчы сыйныф укучыларны Г. Камалның күпкырлы иҗат эшчәнлеге белән таныштырды . Аның драматургия өлкәсендәге иҗат активлыгы һәм татар театр сәнгатен тудыру юлындагы эшчәнлеге аеруча игътибарга лаек. Г. Камалның “Банкрот”, “Беренче театр”, “Бәхетсез егет” һ.б. драма һәм комедияләре, әдипнең үз иҗатында гына түгел, гомумән, татар драматургиясе тарихында иң бөек нокталарны билгеләүче әсәрләрдән саналалар. Бу күренекле нәселдән татар халкы мәдәниятен һәм сәнгатен үстерүгә зур өлеш керткән талантлы артистлар, режиссерлар, драматурглар чыккан.

Чыгарылыш укучылар белән очрашу: “Яшьлеккә кайткандай булдык“ Мәктәп еллары - кеше гомеренең кабатланмас матур бер мизгеле. Кеше күңелендә мәңге җуелмас шатлыклар, онытылмас истәлекләр нәкъ менә мәктәп елларында салына. Гаҗәеп күңелле, онытылмас еллар... 25 нче январь – Студентлар Көнендә мәктәбебездә очрашу үткәрелде. Килүче укучыларның саны күп булмауга карамастан, кичә бик җылы һәм күңелле үтте. Күңелләрдә хатирәләр яңара, һәркемнең кичерешләре белән уртаклашасы килә. Мәктәпне тәмамлаганнан соң дистә еллар үтсә дә, тормыш күбесен сынаулар белән сынаса да, барысы да шул ук - саф, самими, чиста күңелле калганнар.

Поздравляем участников Первого международного конкурса "Детский календарь "Ангелы Мира" – учеников  4  класса  Аввакумову Л. и Баринова К. Работ пришло  более 2 тысяч из 22 стран. Молодцы!