Таңнар атып кояш чыкса,
Бар тарафка нурын сипсә,
Бар тереклек елмая күк,
Гүзәлләнә бөтен җир, күк.
Табигать тә шатлыктанмы
Нурлана, шул балкыштанмы,
Миңа гына ул көләме,
Әллә шулай күренәме?
Миңа гына гөлләр балкып,
Дәшкән төслеме яратып.
Мин генәме шулай көтәм
Кояш балкыганын иртән?
Кояш нурына сөенеп,
Елмайган йөзләрне көтәм.
Балкыган йөзләрне күреп,
Шатланасым килә күптән.
