Борын үткән заманнан,

Болгар белән Казаннан,

Җаек белән Иделдән

Бу бәйрәм безгә килгән.

Нәүрүз мөбарәкбад!!!

Нәүрүз... Бу исем безгә ят та, таныш та. Нәүрүз - борынгы әби-бабаларыбыз үткәргән язны каршылау бәйрәме ул." Нәүрүз" сүзе фарсы-таҗикъ телендә "Яңа көн" дигән мәгънәне аңлата.Борынгы бәйрәмне атна буе дәвам иткәннәр,һәр көннең үз гадәте, үз тәртибе,язылмаган кануннары булган: 7 көн буена гайбәт сөйләмәгәннәр, каргыш теләмәгәннәр, туган-тумачага, күрше-күләнгә миһербанлык кылганнар.Бу көнне яшьләр йорт хуҗаларына исәнлек-саулык, иминлек-байлык, бәхет, уңышлар теләп йөргәннәр.Бу күңел ачу чарасы гына булып калмаган. Шулай йөреп, алар авылдашларының күңелен күтәргәннәр, асылда салкын кышлар бетеп килүгә бергәләшеп шатланганнар, язны каршылаганнар.

27 нче март көнне "Нәүрүз" бәйрәме "Алтынчәч" балалар бакчасында да кунакта булып китте!Көн аяз, кояш нурлары белән урамга дәшкәнгә без бәйрәмне урамда каршыладык. Зур төркемнәр әлеге чараны үткәрүдә катнашсалар, кечкенәләребез көчле итеп кул чабып, эстафета уеннарында катнашкан малайлар һәм кызларга көч-куәт биреп тордылар. Баштан җыр-биюләр белән бакча ишегалды гөрләп торса, эстафета уеннары белән тәмамланды. Уеннарда балалар бик теләп катнаштылар. Бәйрәм гадәтен бозмыйча, ахырдан пешекче - Гүзәл апалары тәмле коймак белән сыйлады.

Яз килде, яз килде

Үрдәк белән каз килде.

Былбылдан аваз килде,

Нәүрүз мөбарәк булсын!!!