Халык шагыйре Г. Тукай исемендәге Татарстан Дәүләт, М. Горький исемендәге Россия Дәүләт бүләкләре лауреаты С. Хәким – татар поэзиясенең олылыгын, шигъри киңлеген билгеләүче әдипләрнең берсе. Шуңа да аның иҗатын мәктәптә өйрәнүгә шактый киң урын бирелә.

Дәресләрдән тыш С. Хәкимгә багышланган кичәләр дә үткәрелә. Ә быел, ягъни 2011 нче елның декабрь аенда С. Хәкимнең тууына 100 ел уңае белән лицеебызда “Сибгат Хәким – үзе бер тау “ дип исемләнгән кичә булды. Бу кичәдә 8-11 сыйныф укучылары тарафыннан шагыйрьнең тормыш һәм иҗат юлына багышланган презентация күрсәтелде һәм сөйләнелде. Шулай ук балалар С.Хәкимнең шигырьләрен укыдылар һәм аның сүзләренә язылган җырлар җырладылар. Шигырьләргә карата үз фикерләрен дә әйтә белүләренә без бик шатланып утырдык. Бәйрәм бик күңелле узды һәм ул балаларның күңелендә тирән эз калдырган дип ышанып калабыз.