26 нчы октябрьдә мәктәбебезнең  залына халкыбызның  олуг бәйрәменә  җыелдык – ул “Сөмбелә” бәйрәме.  Сөмбелә бәйрәме көзге бәйрәм , уңыш бәйрәме. Шулай ук җитен чәчле, зәңгәр күзле,зифа буйлы, сүзгә тапкыр, эшкә уңган кызны “Сөмбелә” дип атаганнар. Бу бәйрәмне үткәрер алдыннан үз алдыбызга түбәндәге максатларны куйдык: туган җиребезгә,туган телебезгә мәхәббәт, игенче хезмәтенә, икмәккә хөрмәт, халкыбызның  милли йолаларына ихтирам тәрбияләү, яшелчә турында белемнәрне тирәнәйтү, укучыларның иҗади сәләтләрен, сөйләм телен үстерү иде. Бу бәйрәмдә 2-8 сыйныф укучылары катнашты. Алар үз бакчаларында үстергән яшелчә, җиләк- җимешләреннән күргәзмә ясаганнар иде. Көз, уңыш, икмәк турында матур җырлары һәм шигырьләре  белән күңелләрне күтәреп җибәрделәр. Бәйрәм укучылар күңелендә тирән эз калдырды.