21нче февральдә Казанның 122нче мәктәбендә Туфан Миңнуллин истәлегенә багышланган укытучыларның һәм укучыларның I республика конференциясе булып узды. “Театр яктылыкка, нурга илтә!” номинациясендә Туфан Миңнуллин иҗат иткән драматургия жанрындагы әсәрдән бер өзекне сәхнәләштерү буенча “Кайда хаклык, кайда дөреслек?” исемле маҗаралы комедиясен күрсәттек. Бу бәйрәмгә Туфан абыйның тормыш иптәше Нәҗибә Ихсанова да, башка театр артистлары да килгән иде. Алар жюри әгъзалары булдылар. Бәйрәмнең беренче өлеше беткәч, барлык мәктәпләр дә грамоталар белән бүләкләнде, шуңа өстәп, театрга багышланган китаплар һәм Г.Камал исемендәге театрга чакыру билетлары бирделәр. Артистлар белән бергә фотографиягә дә төштек.

Бу мәктәпне ачуга Туфан абый Миңнуллин бик зур өлеш керткән һәм без шул көнне бөек драматургабызга багышланган музейга кереп чыгарга да вакыт таптык. Бу мәктәптән без җылы хисләр белән шатланып кайтып киттек.