5-6 октябрь көннәрендә мәктәптә Укытучылар көненә багышланган чаралар булып узды. 

5 се көнне югары сыйныф укучылары барысынннан да иртәрәк килеп укытучыларына сюрприз ясарга булганнар. Һәр укытучыны иртә белән мәктәп каршында чәчәк бәйләмнәре белән каршы алулары һәркемнең күңеленә хуш булды. Әле алай гына да түгел, һәр укытучының сумка-портфельләрен алып, класс-кабинетларына кадәр озатып та куйдылар. Әлбәттә мондый игътибардан соң һәрберебезнең күңеле күтәренке, кәефе тагы да яхшырып китте. 

 6 сы көнне тантаналы кичә булып узды. Укытучыларның прфессиональ бәйрәмәре белән котлаулар күп булды. Боларга кушып аерым коллегаларыбызның зур уңышлары билгеләп үтелде:

"Наш лучший учитель" конкурсында җиңеп чыккан математика укытучысы Замалиева Асия Габбазовна, башлангыч сыйныфлар укытучысы Замалиева Фәридә Габделбариевна; Рәсәй Мәгариф һәм фән министрлыгының Мактау грамотасына ия булган тәрбия эшләре буенча директор урынбасары, география укытучысы - Абзалина Гөлнур Ахматовна; Яшел Үзән муниципаль берәмлеге башлыгының Мактау грамотасын алган мәктәп директоры - Максумов Марс Маликович. Аларны чын күңелебездән котлыйбыз!

  Озак еллар мәктәбебездә немец теле укыткан ветеран укытучыбыз Шәйхуллина Алсу Фатыйховна да юбилее уңаеннан зур игътибарга һәм бүләкләүләргә лаек булды. 

Бәйрәм укучыларның концерт номерлары белән үрелеп барды.