7 апрель көнне мәктәбебездә Сәламәтлек көне зур колач белән билгеләп үтелде. Анда һәр укучы актив рәвештә катнашты. Матур гадәткә әверелгән гомуми иртәнге гимнастика бу көнне тагы да үзенчәлеклерәк үткәрелде. Дәртле музыка астына, спорт залына җыелган укучылар, спорт күнегүләрен зур теләк һәм канәгатьләнү хисе белән ясадылар. Һәр класста Сәламәтлек сәгатьләре узды. Башлангыч класс укучылар хәрәкәтле уеннар оештырды.

Чараларның иң зурысы спорт залында оештырылган "Күңелле стартлар" булгандыр. 5-11 класс укучыларыннан торган 2 команда тизлектә, җитезлектә һәм тапкырлыкта ярышты. Нәтиҗәдә 11 класс укучысы Ибатуллин Рамил командасы беренчелекне алды. Һәр командага дипломнар һәм баллы бүләкләр тапшырылды. Мәктәп укучылары тагын бер кат үзләренең спортчан һәм сәламәт булуларын расладылар.