Әйе, 4 укучы гына булса да, бүгенге тамаша үзенең тыйнаклыгы, матурлыгы һәм гомерлек күңелгә сеңеп калырлык итеп үткәрелүе белән аерылып торды. 2 малай һәм 2 кыз өчен бүген соңгы кыңгырау шалтырады. Аларны котлап әти-әниләр, ветеран укытучылар, кунаклар килгән иде. Мәктәп директоры үзенең котлау чыгышында мәктәпнең еллык уңышларына тукталды. Ә унберләргә үзенең матур теләкләрен җиткерде. Елдагыча быелыг уку елын "5" билгеләренә генә тәмамалучы 6 кыз һәм егеткә авылдашыбыз Минуллин Әнвәр абый кыйммәтле бүләкләр тапшырды. Шулай ук актив укучы Абзалутдинов Булатны да тәбрикләп үтте. Гомумән кичә бик матур үтте. Унберләргә уңышлы гына имтиханнарын тапшырып чыгуларын  телисе кала.