Татар халкының бөек әдибе, милләт сакчысы Г.Тукайның тууына бүген 125 ел булды. Бөтен татар халкы бүгенге бәйрәмне зурлап каршы алды. Казанда аның һәйкәле янында бүген зур чаралар үткәрелә. Безнең мәктәп коллективы да бу чарадан читтә кала алмады. Мәктәп күләмендә "Тукаебыз - якты йолдыз ул" дип исемләнгән әдәби-театраль кичә үткәрдек. Кичәдә әдипнең шигырьләре, сүзләренә язылган җырлары яңгырады. Укучылар әдипнең "Таз" әсәре буенча куелган инценировка куйдылар, 10 класс укучылары Тукайның соңгы көннәрен күрсәткән театраль тамаша күрсәттеләр. Кичә бер тында искиткеч зур уңыш белән үттте. Килгән кунаклар, әти-әниләр өчен һәм, әлбәттә инде, укучылар өчен менә дигән тәрбия чарасы да булды бу кичә. Шушы бәйрәмне әзерләгән татар теле һәм әдәбияты укытучыларына, барлык ярдәме, өлеше тигән укытучы иптәшләргә мәктәп администрациясе үзенең рәхмәтен белдерә.