Дөньядагы мөһим акция быел  11 нче тапкыр  24 мартта 20:30 сәгатьтән 21:30 кадәр үткәрелә. “Җир сәгате -2018” темасы кешенең табигатькә сакчыл мөнәсәбәте булачак. Кешеләрнең ничек итеп үзләре тирәсендәге бөтен нәрсәне – җир, һава, су һәм урманнарны үзгәртүләре һәм мондый йогынтының кешелекнең үзе өчен нинди нәтиҗәләре булуы турында сүз барачак. Акциянең девизы – “Үзеңне үзгәрт, ә планетаны түгел”. Акция ел саен мартның соңгы шимбәсендә Бөтендөнья кыргый табигать фонды инициативасы белән уздырыла һәм энергия һәм ресурс саклау, планета күләмендә экологик ситуацияне яхшырту проблемаларын хәл итүдә төрле дәүләт кешеләренең теләктәшлеген символлаштыра.  “Җир сәгате” – 2008 елда WWF тарафыннан инициативаланган халыкара экологик акция, ул бөтен дөнья кешеләрен утны һәм көнкүреш электр җиһазларын бер сәгатькә сүндереп торырга өнди.