Бүген мәктәбебездә 9 нчы сыйныф укучылары өчен "Соңгы кыңгырау" бәйрәме булып узды. Бәйрәмдә  Акъегет  авылы башкарма комитеты җитәкчесе Сәлим Рифкат улы Шамсиев, мәктәбебез директоры Гөлинә Рәстәм кызы Саттарова, укытучылар, әти-әниләр һәм килгән кунаклар чыгарылыш сыйныф укучыларын бәйрәм белән котладылар аларга изге теләкләрен теләделәр.      

                                                                                                                                                                                                                                                                                                                             Кадерле сыйныф укучылары!                                                                                                                                                                                                                                                                    Нинди генә өлкәдә хезмәт итсәгез дә, мәктәптә белем алу дәверендә сезнең янда булган, сезгә үсәргә ярдәм иткән, җан җылысын биргән, сезне  кайгырткан,  җиңәргә өйрәткән, үз  белемнәре һәм тәҗрибәләре белән уртаклашкан укытучыларыгыз  һәм әти-әниләрегез йөзенә кызыллык китермәссез дип уйлыйбыз. Бүген алар сезгә зур өметләр баглый һәм тормышта югары дәрәҗәләргә ирешүегезгә ышана.                                                                                                                                                                           Сезне һәрчак мәктәптә сыналган ныклы дуслык озата барсын, остазларыгызның файдалы һәм акыллы киңәшләре ярдәм итсен, барлык уй-хыялларыгыз һәм омтылышларыгыз чынга ашсын.                                                                                                                                                                                                                                                                Алда - чыгарылыш имтиханнары. Аларны тиешенчә тапшырып чыгуыгызны телибез. Үз-үзегезгә ышанырга, авырлыкларны җиңәргә  өйрәнегез, куйган максатларыгызга таба кыю барыгыз һәм беркайчан да ирешелгәннәрдә генә тукталмагыз! Хәерле сәгатьтә!