Бүген һәр класста да  “Язгы бозда сак бул!” дигән темага класс сәгатьләре үткәрелде. Әлеге класс сәгатьләрендә  укучыларга язгы бозның үзлекләре - калын булса да кояш нурлары астында җылынып көпшәкләнүе һәм тотнаксызлануы турында аңлатылды. Укучыларга язгы бозга керүнең бик куркыныч булуы, һәр елны әлеге саксыз адым нәтиҗәсендә күпме кешенең, балыкчыларның һәлак булуы турында әйтелде. Әгәр кем беләндер бәхетсезлек очрагы килеп чыгып, бозлы суга егылып төшкәндә аны коткару, беренче ярдәм күрсәтү алымнары турында сөйләшенелде. Язын су басу куркынычы да бик зур. Бу бигрәк тә елга буйларында яшәүчеләр өчен куркыныч. Шулай да кайбер елларда кинәт җылытып җибәрү сәбәпле, безнең елгалар да ярларыннан ташып урамнарны басып ала.. Шуны истә тотып.  су буйларына, яр кырыйларына  якын бармаска кирәклеге турында укучыларга  искәртелде.