Бүген мәктәбебездә 8 нче сыйныф варислары Ватанны саклаучылар көне уңаеннан "Ягез әле,егетләр!" дигән бәйрәм чарасы уздырды.Чарада "Патриот" һәм "Чик сакчылары" командалары көч сынашты.Ярыш кызыклы сорауларга җавап табу, төрле уеннар,җитезлек,тапкырлык кебек сыйфатларны сынау аша барды.Бәйрәмдә "Патриот" командасы җиңде.

Кәрәкәшле төп гомуми белем бирү мәктәбенең 1 нче сыйныф укучылары, "Туган тел атналыгы"кысаларында авыл китапханәсенә экскурсиягә керделәр. Китапханәче Ахметова Ирина Михаил кызы, аларны китапханә белән таныштырды,туган тел көне уңаеннан укучыларга  аның тарихын сөйләде,укучылар шигырьләр сөйләделәр, экскурсия "Туган тел"җырын башкару белән тәмамланды.

"Туган телләр декадасы" кысаларында 3 нче сыйныфта "Исемең матур, кемнәр куйган?" дип аталган сыйныф сәгате үткәрелде.Укучылар исемнең кеше язмышына тәэсире, исем кушуга бүгенге көндә әти-әниләр тарафыннан җаваплы караш булырга тиешлеге турында сөйләштеләр. Һәр укучы үз исеменең  килеп чыгышы, мәгънәсе турында мәгълүмат алды.

Татар теле һәм әдәбияты уытучысы Мәрданова З.Ә. 5 нче сыйныфта “Фонетик КВН” уздырды. Укучылар башваткычлар чиштеләр, тапкырлыкларын сынадылар.

Бүген 18 нче февраль көнне, башлангыч сыйныф укучылары авыл клубы оештырган Афганистан һәм Чечня сугышында булган солдатлар һәм солдат әниләре белән очрашуда катнашты.

Туган телләр ункөнлеге кысаларында 4 нче сыйныфта “Сыйфатның артыклык дәрәҗәсе” темасына ачык дәрес уздырылды. Укытучы Мөрәсова З.С. дәрестә туган ягыбыз тарихына, экология мәсьәләләренә, авылыбызда туып – үскән галим, шагыйрь Әнвәр Шәрипов иҗатына да тукталды.

“Әкият иленә сәяхәт” дип исемләнгән рәсемнәр бәйгесенә нәтиҗә ясалды. 1-6 нчы сыйныф укучылары әлеге бәйгедә бик актив катнаштылар. 

Бүген Кәрәкәшле төп гомуми белем бирү мәктәбенең 6-8 нче сыйныф укучылары Кәрәкәшле мәдәният йортында   "Адым саен тозак" дип аталган тәрбия сәгатендә катнашты.Л.Миннегалимованың "Афәт "шигыре укылды.Театр түгәрәгенә йөрүче 8 нче  һәм 7 нче сыйныф укучылары "Кунак егете"дигән 1 пәрдәлек пьеса күрсәтте.Тәрбия сәгате барышында начар гадәтләр буенча тест һәм мәкальләр эшләнде,сәламәт тормыш алып баруны пропогандалаган видеоязма күрсәтелде.Китапханәче Ахметова И.М. укытучыларга "Антинарк" журналын тәгъдим итте.

Бүген 17 нче февраль көнне, башлангыч сыйныф укучылары Кәрәкәшле туган як тарихын өйрәнү музеенда сугышчы интернационалистларга багышланган "Тарихның ачы сәхифәсе"дип аталган кичәдә катнаштылар. 

4 нче сыйныф укучылары,район күләм уздырылган "Кәгазь канатлар" конкурсында катнашты.