2026 нчы ел Рәсәйдә Халыклар бердәмлеге елы дип игьлан ителде. Белгәнебезчә, туган җиребез халкы һәр халыкның рухи кыйммәтләрен хөрмәт итәргә һәм аларны киләчәк буынга җиткерергә тиеш. Шул уңайдан, 24 март көнне мәктәбебезнең 9Б сыйныф укучылары татар теле һәм әдәбияты укытучысы Касыймова Гөлнур Наил кызы белән берлектә Казан шәһәренең Вишневский урамында урнөшкан Үзәк китапханәдә булдылар. Алар Рәсәйнең, Чувашиянең халык шагыйре, журналист, Татарстан республикасының мәдәният хезмәткәре Турхан Евгений Андрей улы белән очраштылар. Укучылар шагыйрьнең тормыш юлы һәм иҗаты белән таныштылар, аның рус һәм чуваш телендәге шигырьләрен автор башкаруында ишеттеләр. Шагыйрь рус, чуваш, мари, татар телен белүен бик горурланып сәйләде. Бу телләрне ул мәктәптә укыганда ук өйрәнгән. Евгений Андрей улының тормыш юлы, иҗаты, шигырьләре чуваш әдәбияты дәреслегенә да кертелгән. Укучылар аны яратып өйрәнәләр.
Кичәбезнең ахырында мәктәбебез укучысы Матвеева Вилена үзенең туган теле - мари телендә "Матушка Земля"( Җир ана") җырын башкарды. Бу музыкаль бүләк һәм әдәби кичә шагыйрьгә дә, укучыларга да бик ошады.
" Бердәмлектә- көч"дип тикмәгә генә әйтмиләр шул. Һәрчак шулай бердәм булып, бер-беребезне хөрмәт итеп, ярдәмләшеп яшик!