Бүген 26нчы  апрельдә безнең мәктәбебездә  Габдулла Тукайның туган көненә “Тукай  безнең күңелләрдә»багышланган чара узды.Чараның максаты: балаларны Габдулла Тукай иҗатына җәлеп итү, эшенең нәтиҗәлелеген арттыру. Бурычлары:  балаларны Г.Тукай  тормышы һәм иҗаты белән таныштыру, аның әсәрләре белән кызыксыну тәрбияләү; бөек татар шагыйренең шигырьләре һәм әкиятләренең  аңларга өйрәтү. Чарада  балалар шагыйрьнең «Туган авыл», «Кәҗә һәм Гали», «Туган тел» шигырьләрен укыдылар, «Кызыклы шәкерт», «Бала белән  күбәләк» шигырьләрен сәхнәләштерделәр, ел фасыллары турында табышмаклар чиштеләр, Г.Тукай әкиятләрен искә төшерделәр..Балалар чарада кызыксынып катнаштылар. Балаларда кечкенәдән үк бөек шагыйрь шәхесенә карата мәхәббәт һәм хөрмәт туплануы мөһим. Тукай әсәрләрнә нигезләнеп ясалган рәсем конкурсында барлык сыйныф укучылары катнашты. Иң яхшы рәсемнәрдән стенд ясалды.