Һәрбер халык – ул кабатланмас мәдәният, тарих, гореф-гадәтләр, һәм, әлбәттә, тел. Халыкларның, милләтләрнең  телләрен саклау – иң мөһим мәсьәләләрнең берсе. Шуңа күрә 1999 нчы елдан башлап Берләшкән Милләтләр Оешмасы 21 нче февральне Халыкара телләр көне дип билгеләде. Бәйрәмнең максаты – тел, мәдәният төрлелегенә, күптеллелеккә ярдәм итү, бетеп баручы халыкларны, мәдәниятләрне, телләрне саклап калу. Нәкъ менә шуңа күрә дә, әлеге көн уңаеннан лицеебызда  шушы темага багышланган сыйныф сәгатьләре, төрле танып-белү чаралары, күргәзмәләр узды. Туган тел укытучылары әзерләгән  “Тел – белемнәр ачкычы” дип аталган фестиваль – конкурста 9АБВ, 3Б сыйныфы укучылары катнашты. Алар “Тел күрке – сүз номинациясендә төрле иҗади биремнәр үтәделәр, “Җырлар канатында” дип исемләнгән өлешендә музыкаль уеннарда катнаштылар, “Бию- халык җаны” икәнлеген искәртеп халык биюләрен башкардылар.