“Введенка Бистәсе төп гомуми белем бирү” мәктәбе  бинасында эшләүче балалар бакчасында ундүрт бала тәрбияләнә. Август аеннан бакчада тәрбияче булып яшь белгеч Назирә Клычева эшли,  кыска гына эш дәверендә балалар үзен  яратып та өлгерде. Назирә Рөстәмовна балаларны  татар теле дәресендә “Татарстанның  электрон ресурслары” материалларыннан файдалана: татарча әкиятләр күрсәтә, дәресләр оештыра. Рус теленнән тәрҗемә ителгән әкиятләр балаларга таныш, геройлары татарча сөйләшкәч аларга кызык тоела.Шулай уйный-уйный, көлешә-көлешә балалар бакчадан ук татар теле өйрәнә.