Илебезнең барлык мәктәпләрендәге кебек, безнең “Введенка Бистәсе төп гомуми белем бирү” мәктәбендә дә яңа уку елы башланды. Укучылар җәйге каникулдан соң әкренләп  мәктәп режимына ияләшә .Әлбәттә, укучы балаларга мәктәптә өч дәрестән соң озын тәнәфес булу бик кирәк. Бу тәнәфестә балалар ашханәдә тамак ялгап алгач, мәктәп янындагы бакчада  саф һавада йөреп керә. Ә ир малайлар тиз генә яраткан уеннары - футбол уйный башлый. Кайвакыт аларга ярдәмгә кызлар да килеп җитә. Иң кечкенәләр ярыша-ярыша конструктор детальләреннән төрле машина, уенчыклар ясый.