Беренче сентябрь –Белем  көне. Введенка Бистәсе  төп гомуми белем бирү мәктәбе укучылары да 2 сентябрьдә мәктәпкә бәйрәмгә килде. Быел укучылар барысы   да  бердәм мәктәп формасында – балаларның әти-әниләре мәсьәләне дөрес аңлаган һәм һәркем үзенең баласына  бердәм мәктәп формасын сатып алган. Төрле-төрле чәчәк бәйләмнәре тоткан үзләре дә чәчәктәй матур укучылар әти-әниләре белән бергәләп мәктәпкә җыелды. Быел мәктәбебезнең беренче сыйныфына дүрт укучы килде: Белова Полина, Нурмухаметов Нияз, Морозов Денис, Комаров Руслан. Башта балаларны сыйныф җитәкчеләре класс сәгатенә алып керде, аннан  соң бәйрәмгә багышланган гомуми линейка үткәрелде, соңыннан укучылар тарих укытучысы Марина Маркелова оештырган парламент дәресендә булдылар, ә әниләр  мәктәп директоры Сергей Никифоров  белән  ата-аналар җыелышында аларны  кызыксындырган барлык мәсьәләр турында сөйләште-киңәшләште.