Якты булсын  киләчәк уку елларыгыз! 

           Бүген Югары Ослан районы Введенка Бистәсе мәктәктәбендә зур бәйрәм. Быел башлангыч мәктәпнең  дүртенче  сыйныфын  дүрт укучы тәмамлады. Шуларның берсе – рус  теле һәм математика фәннәре буенча район олимпиадалары  җиңүчесе Мишагина Регина укуын гел “биш”ле  билгеләренә, ике укучы - Нурмухаметова Адилә һәм Сладкин Никита яхшы билгеләргә тәмамлады.Балалар бик матур итеп шигырьләр сөйләде, уку елларында булган төрле кызыклы хәлләрне искә төшереп көлештеләр, мәктәп турында җырлар җырладылар.Бәйрәмдә катнашучы әти-әниләр балаларны котлап бүләкләр тапшырдылыр, укытучы Нурмухаметова Наталья Михайловнага рәхмәтләрен белдерделәр. Укучылар әле   аерым уңышлары өчен мәктәп укытучыларына  да “медаль»ләр бүләк  итте. Соңыннан бергәләп тәмләп  чәй эчтеләр. Бу бәйрәм балаларның күңелендә якты истәлек булып сакланыр,һәм, әлбәттә, алар үзләренең сөекле беренче укытучыларын истә калдырырлар. Хәерле юл, сезгә, балалар!