Пәнҗешәмбе көнне (11.02.2016 елда) Югары Ослан районының “Кояшкай” балалар бакчасында татар теле дәресендә тәрбияче Лилия Мөхәммәтҗанова җитәкчелегендә зурлар төркеменең балалары әдәп-әхлак кагыйдәләрен өйрәнү максаты белән күнегүләр үттеләр. Балалар йокыдан торуга якыннарына, туганнарына һәм дусларына “хәерле көннәр” төләргә өйрәнделәр. Өстәвенә, тәрбияләнүчеләребез чисталыкка, пөхтәлеккә һәм гигиена таләпләренә дә өйрәнделәр: торуга юынырга, теш чистартырга, чәч тарарга һәм чиста киемнәрне генә киеп йөрергә. Үткәрелгән күнегүләрдән соң балаларыбыз “Ни өчен киемнәр югалган” мультфильм карадылар.