Тиздән Яңа ел бәйрәме дә якынлашып килә. “Кояшкай” балалар бакчасында бу бәйрәмне тәрбиячеләр дә, тәрбияләнүчеләр дә бик тә көтәләр һәм аңа тырышып әзерләнәләр. Бөтен бакчабызны искиткеч матур итеп балалар белән бергә бизәдек. Һәр төркем үзенең бүлмәсенә Яңа ел күренешен кертте. Балалар бакчасы тирәсендә зифа буйлы чыршыны бастырып куйдык. Ә татар теле дәресләрендә тәрбияче Лилия Мөхәммәтҗанова балалар белән бәйрәм һәм Кыш бабай белән Кар кызы турында әңгәмәләр үткәрә. Әлбәттә, Яңа ел турында шигырьләр дә ятлыйлар.