Исән калу теләгеннән тыш, яшәү теләге дә бар

 Ел саен 27нче гыйнварда Россиядә Россиянең Хәрби дан көне –Ленинградны фашистлар блокадасыннан тулысынча азат итү көне билгеләп үтелә.Ул илебез тарихында иң фаҗигале битләрнең берсенә әверелде. Бу көнне Матюшино авыл китапханәчесе Лилия Эмир кызы Садеева башлангыч сыйныф укытучылары Алсу Ирек кызы  Арсланова һәм Лилия Назыйм кызы Гүзәлбаева белән берлектә укучылар өчен «Исән калу теләгеннән тыш, яшәү теләге дә бар»дигән хәтер дәресе үткәрделәр. Чараны оештыручылар балаларга Ленинград блокадасы, кешелек тарихында 900 көнгә якын дәвам иткән иң озын һәм куркыныч камалыш турында сөйләделәр. Балалар блокадалы шәһәрдәге тормыш, блокадалы Ленинградны совет азык-төлек базалары белән бәйләүче «тормыш юлы», блокадачыларның икмәк нормасы, ул вакытта икмәк карточкаларының нәрсә аңлатуы турында кызыксынып тыңладылар. Сугышның беренче көннәрендә фронтка китеп, 1943нче елның 11нче гыйнварында Ленинград блокадасын өзү сугышында һәлак булган якташыбыз – Ленинградны саклаучы Әхәт Кадыйров язмышына мәктәп укучылары аерым хисләр белән карадылар. Әхәт Кадыйров Ленинград өлкәсенең Теплобетонная платформасы районында туганнар каберлегендә җирләнде. Укучылар игътибарына «кешеләргә хәтер кирәк, аның белән ничек кенә авыр булмасын" дигән китап күргәзмәсе күрсәтелде. Укучылар А.Чаковскийның «Блокада», В. Л. Маграчевның «Блокададан Репортаж», А. Адамович һәм Д. Гранинның «Блокада китабы» әсәрләре белән таныштылар. Чара бер минут тынлык белән тәмамланды.