СВО дан солдат кайтты…

Донецк Халык Республикасы, Луганск Халык Республикасы, Херсон һәм Запорожье өлкәләренең Россиягә кушылуын бәйрәм итү кысаларында бүген Матюшино урта гомуми белем бирү мәктәбендә ветеран – СВОда катнашучы Мөстәкыймов Фәнис Госман улы, Батырлык орденнары һәм батырлык өчен күпсанлы медальләр кавалеры белән очрашу оештырылды. Кичә башында тарих укытучысы Рүзәл Фазлыев әлеге истәлекле көннең тарихы турында сөйләде. Аннары сүз СВО ветеранына бирелде. Фәнис Госман улы бу өлкәләрдә барган сугыш хәрәкәтләрендә катнашты. СВО зонасына мобилизация игълан итүнең беренче көннәрендә китте. Ул «АЛГА " батальонына эләкте. Үзенең беренче сугышын Угледарда кабул итә, анда һәр метр өчен каты сугышлар бара. Бахмут янында да сугышырга туры килде. Сугыш кырларында бик күп солдат һәлак булды, 22 гранатометчы взводыннан бары икесе генә калды. Госпитальләрдә дәваланырга һәм яңадан сафка кайтырга туры килде. Соңгы тапкыр иптәшен сугыш кырыннан чыгарырга ашыкты. кызганычка каршы, Фәнис минада шартлый. Ике аягы да яралана, озак айлар дәвалану, операция... Врачлар ничек кенә тырышмасын, бер аягын саклап кала алмадылар. Хәзер барысы да артта. Фәнис яңадан йөрергә өйрәнде, машина йөртә, эшкә урнашты. «Безнең Россия өчен сугышырга барсам да, хәзер булдыра алмыйм»-ди ул. Укучыларның сугыш, фронт дуслыгы турындагы сорауларына Фәнис бик теләп җавап бирде. Балаларга солдатларның күкрәк кесәсендә йөрткән хатлары өчен рәхмәт белдерде. Бүген дә балалар Фәнис Госмановичка хатларын җиткерделәр. СВО зонасында әтиләре булган укучылар да әтиләре турында сөйләделәр. Рус теле укытучысы Валентина Самойлычева Ватаныбызны саклаучыларның батырлыгы һәм кыюлыгы турында матур шигырьләрен укыды. Илдус Шәрәфиев, Илгизәр Гаделшин рәхмәт сүзләре белән чыгыш ясадылар. Мәктәп директоры Римма Шәрәфиева мәктәпне тәмамлаучыга истәлекле бүләк тапшырды. Ә Фәнис мәктәпкә «АЛГА " батальонының сугышчан байрагын бүләк итте. Чыгарылыш укучысы белән очрашу хәтердә озак сакланыр. Мәктәп үзенең чыгарылыш укучылары белән горурлана, алар чын Ватанны яклаучылар. СВО зонасында аларның тагын икесе-Губкин Сергей һәм Закиров Линар, шулай ук авылдаш Закиров Руслан. Кызганычка каршы, Мөстәкыймов Рәфис, Юзаев Айрат, Козлов Альфред безнең арада юк инде. Мәңгелек дан аларга! Калганнары исән-сау туган якларына әйләнеп кайтсыннар!