Муса Җәлил безнең йөрәкләрдә.

2025 нче елның 15нче февралендә татар герой-шагыйре Муса Җәлилнең тууына 119 ел тулды. Аның батырлык белән сугарылган шигырьләрендә бер генә буын тәрбияләнмәгән. Аның гомере фашистлар кулында фаҗига белән тәмамланса да, шигъри язмышы бәхетле була. Күркәм гадәт буенча, 17 нче февраль көнне Матюшино урта мәктәбендә укучылар өчен «Муса Җәлил безнең йөрәкләрдә» дигән патриотик сәгать үткәрелде. Чара барышында татар теле укытучысы Римма Шәүкәт кызы Закирова һәм мәктәп директоры Римма Әнвәр кызы Шәрәфиева шагыйрь тормышыннан, әдәби эшчәнлегеннән кызыклы фактлар һәм аның исемен мәңгеләштергән «Моабит дәфтәрләре»автобиографик шигырьләр китабы турында сөйләделәр. Балалар тарафыннан «Врварлык», «Минем этем», «Сэгать», «Куян турында» кебек шигырьләр укылды. Укучылар өчен «Көрәшкә бирелгән тормыш» исемле китап күргәзмәсенә күзәтү ясалды, анда шигырьләр җыентыклары, замандашларының үзе һәм дошман тылында сугышкан иптәшләре турындагы истәлекләре һәм аларның фаҗигале һәлакәтләре күрсәтелде. Шулай ук дәрес барышында Римма Закирова «Моабит дәфтәрләре» нәфис фильмын тәкъдим итте. Анда укучылар әсирлекнең барлык дәһшәтләрен, фашистларның мыскыллауларына карамастан, Муса Җәлилнең каһарманлыгын күрделәр. Дәрес " Салют сина, Муса Җәлил!» жыры белэн тэмамланды. Безгә тыныч һәм бәхетле тормыш бүләк иткән кһарманнарның исемнәрен хөрмәт итәчәкбез һәм истә тотачакбыз!