Әниләр көне

Әниләр көне-ул гаҗәеп матур көн, һәркем үз әниләренә аерым рәхмәт сүзләрен әйтергә тырыша, гәлбәттә, аларны көн саен әйтергә мөмкин һәм кирәк. Әниләр көненә иң яхшы бүләк-игътибар, ә ул нәрсәдә чагылачак, һәркем үзе сайлый.

 Матюшино мәктәбе укучылары өчен бу бәйрәм традицион. Ел саен балалар яраткан әниләренә багышланган бәйрәм концертында бик теләп катнашалар. 1-6 класс укучылары технология һәм рәсем дәресләрендә әниләр өчен открыткалар һәм рәсемнәр әзерлиләр, дәрестән тыш вакытта аеруча тырышып шигырьләр, җырлар, биюләр, этюдлар һ.б. өйрәнәләр. Әниләрнең үз балаларының иҗатын килеп карый алмасалар, ә бары тик видеоязмадан гына карарга мөмкинлекләре булса да, балалар моңа карап азрак тырышмыйлар.

 23 ноябрь көнне укучылар әниләр алдында рәхәтләнеп чыгыш ясадылар, көлке күренешләр күрсәттеләр, шигырьләр укыдылар, мода күрсәттеләр, күңелгә хуш килгән ягымлы сүзләр әйттеләр: "Сөекле Әнием! Сине каты итеп кочаклыйсы һәм ике яңагыңнан үбәсе килә". «Синең нинди искиткеч булуың һәм нинди яхшы булуың, ярдәмгә килергә һәм акыллы, эшлекле киңәш бирергә әзер булуың өчен рәхмәт". "Синең кулларың һәрвакыт иң назлысы. Синең тавышың һәрвакыт иң йомшак. Әни, бәхетле һәм сәламәт бул". «Барлык үпкәләрне кичерә торган игелекле йөрәгең өчен рәхмәт».
Мондый бәйрәмнәр укучылар хәтерендә озакка кала. Барлык әниләрне дә бәйрәм белән котлыйбыз!

Гаиләгездә һәркайсыгызның балалары үзләренең казанышлары, матурлыкка омтылулары һәм бәхетләре белән сөендерсен! Сәламәт һәм бәхетле булыгыз!