Районның татар теле укытучылары Матюшино мәктәбендә

    Матюшино мәктәбендә татар теле һәм әдәбияты укытучыларының район семинары узды. Укытучылар беренче, дүртенче һәм тугызынчы сыйныфларда туган тел (татар) дәресләре фрагментларын карадылар.

    Мәктәптә рус һәм татарларның саны бертөрле булса да, барысы да укытучыларны яхшы аңлый һәм сорауларга дөрес җавап бирә. Сыйныфларда укучыларның саны аз, шуңа күрә һәр балага индивидуаль караш мөмкинлеге бар.

     Кунаклар өчен шулай ук татар милли орнаментлы бизәнү әйберләре ясау буенча мастер-класс оештырылды, ә мәктәп буенча экскурсиядән соң алар актлар залына, «Дуслыкның чиге юк» дигән сыйныфтан тыш чарага юнәлделәр. Укучылар шигырьләр укыдылар, җырладылар, милли уеннар уйнадылар һәм татар, рус, үзбәкләрнең милли ашлары белән таныштырдылар. Мондый гадәти булмаган форматта балалар бер-берсенә дуслык һәм хөрмәт күрсәттеләр.

    Милли мәгариф буенча методист Гөлгенә Дәүләтшина семинарга йомгак ясады: "Җәмгыятькә социаль әһәмияткә ия булган казанышларга сәләтле, нәтиҗәгә эшли белүче белемле кеше кирәк. Кайбер тикшеренүләр күрсәткәнчә, укучыларның телдән һәм язма сөйләме, аралашу процесслары җитәрлек үсеш алмаган, шуңа күрә аралашу вакытында функциональ грамоталылык  кирәк. Бу мәктәптә без педагогларның укучыларда кирәкле күнекмәләрне үстерүгә бик җаваплы каравын күрдек». Аннары кунаклар чыгыш ясады, һәркем үз фикерен әйтте һәм Матюшино мәктәбе педагогларының профессиональлеген югары бәяләде.