Батырлык дәресе

14 нче апрель көнне Матюшино урта мәктәбе укучылары өчен Бөтенроссия Белем бирү, мәгърифәтчелек чаралары һәм «Рус язы" Бөтенроссия Марафоны кысаларында «Россия Геройлары»дип исемләнгән батырлык дәресе үткәрелде. Дәресне Югары Ослан муниципаль районының Ветераннар советы рәисе Троицкая Римма Сергеевна, Югары Ослан районы хәрби комиссары Фәсхетдинов Рәшит Шәүкәт улы, «Форпост» җитәкчесе Егоров Сергей Борисович үткәрделәр.

Дәрес видеоролик карау белән башланып китте, анда Украина территориясендә геройларча һәлак булган якташларыбыз һәм Ватанны саклаучылар турында яңалыклар яктыртылды.

Римма Сергей кызы совет халкының тыныч һәм тату яшәве, бабаларыбызның Ватанны саклаулары, аларның дан өчен түгел, ә тыныч тормыш өчен батырлыклар кылулары турында сөйләде.Герой - пионер ларның батырлыкларын искә төшерде.

Рәшит Шәүкәт улы һәлак булган якташларыбызның фамилияләрен һәм исемнәрен атады. Укучыларга Украина территориясендә булган бүгенге вакыйгалар, илләрнең Россиягә мөнәсәбәтләре турында аңлатты. Илебез көчле һәм җиңелмәс, без дустанә һәм күп милләтле халык, һәм бөтен дөньяга тынычлык һәм яхшылык телибез, -дип әйтеп китте.

Сергей Борис улы укучыларга патриотизм, патриотик гамәлләр турында сөйләде. Мәгълүмати куркынычсызлык турында профилактик әңгәмә үткәрде.

Чара бик кызыклы булды. Соңыннан Римма Троицкая мәктәпкә үзенең китабын бүләк итте.

Укучыларның патриотик рухы чит ил сәясәтчеләренең нацистлык идеяләре белән сынмас дип ышанабыз.