Бәйрәм концерты 22 февраль көнне Матюшино урта мәктәбендә Ватанны саклаучылар көненә багышланган бәйрәм концерты булып узды. Ватанны саклаучылар көне-ул хәрбиләрнең һөнәри бәйрәме. Хәер, бу бәйрәм күптән профессиональ бәйрәм булудан туктады. Ул барлык ирләр бәйрәменә әверелде. Ир-ат, хәрби булуына карамастан, үз гаиләсен һәм Ватанын сакларга сәләтле, һәрвакыт көчле, батыр булырга тиеш. Бәйрәм чарасы бу көнне традицион концерт белән башланып китте. Укучылар сугыш елларындагы җырлар җырладылар, Ленинград блокадасы турында шигырьләр сөйләделәр. Бәйрәмнең икенче өлешендә безнең малайларны кызлар командасы белән дустанә очрашу көтте. Командалар җитезлектә, тизлектә көч сынаштылар һәм артистлык сәләтләрен күрсәттеләр. 73: 68 исәбе белән малайлар командасы җиңде. Жюри малайларга «Киләчәк сакчы!" медале тапшырды, татлы призлар да бирде, ә кызларга истәлекле бүләкләр тапшырылды. Безнең сакчыларга көчле, кыю булырга һәм уңышлар телибез!