Васильево укулары 20 нче февраль көнне гражданлык-патриотик тәрбия айлыгы кысаларында укучыларның “Васильево укулары-2019» ачык фәнни-гамәли конференциясе булып узды. Өченче тапкыр иң кызыксынучан, иң талантлы, иң иҗади тикшеренүчеләр «Татар Борнашы урта гомуми белем бирү мәктәбе»ндә җыелды. Конференция эшендә 2-11 сыйныфларда укучы 49 бала катнашты. Жюри игътибарына үзләренең тикшеренү проектларын безнең мәктәп укучылары Нурмөхәммәтова Фатыйма (3 кл., җит. Гүзәлбаева Л.Н.), Идиятуллина Лилия, Ишутов Вадим (10 кл., җит. Кузовенина Р. А.) да күрсәттеләр. Унынчы сыйныф укучылары «Зарарлы тавыш» проекты белән 3 нче урынны алдылар, ә Фатыйма «Итекләр» проекты белән тамашачылар мәхәббәте призына лаек булды. Конференциядә катнашучыларны котлыйбыз! Алга таба да иҗади уңышлар телибез!