Без КВНны башлыйбыз

     Заманча укытучыга юморсыз эшләп булмый. Матюшино урта мәктәбенең педагоглары "Яшә, Җир!" фестиваль - бәйгесенең беренче этабында  укытучыларның ничек шаяра, көлә һәм КВН уйный белүләрен күрсәттеләр. КВН 6 апрельдә Түбән Ослан мәдәният йорты  базасында уздырылды.

     КВНның башыннан ук бәйгедә катнашучы командалар шактый югары темп һәм дәрәҗәдә чыгыш ясадылар.

     Дүрт мәктәп командасы составында укытучылар, аларның укучылары, укучыларның әти-әниләре экология буенча күтәрелгән актуаль һәм җитди темаларга мавыгып шаярттылар. Бәйгенең "Визитка", "Өй эше", "Экоклип" этапларында безнең команда әгъзалары үзләренең тапкырлыгын, үткен акылын, актерлык һәм музыкаль осталыкларын күрсәттеләр. Аларның чыгышлары бәйгенең темасы һәм критерийлары белән тыгыз бәйләнештә төзелгән иде.

     Капитаннар бәйгесендә Агеева Евгения Борисовна экология турында радиотапшыру рәвешендә чыгыш ясады. Ул - үзенең юмор хисе, югары интеллектуаль мөмкинлекләрен күрсәткән капитан. Аның кызыклы чыгышы туган Югары Ослан районы турында видеоролик белән бәйләп алып барылды, туган якка мәхәббәт белән сугарылган иде.         КВН тәмамланды. Без 2-нче урынга лаек булдык, командабызның уйнавы барлык тамашачылар күңелендә күп кенә проблемаларга карата үткен караш һәм  көчле тәэсир белән истә калачак, дип ышанып калабыз.  .